هذي قصيدة كتبها الشاعر صاحب السمو الامير سعود بن عبدالله بن محمد بن عبدالرحمن آل سعود رثاء في ابانا الملك فهد بن عبدالعزيز آلسعود رحمه الله وطيب ثراه
واترككم مع الابيات...
مرات تصدق علـوم ليـت ماتصـدق واشين جميع العلوم المـوت والفرقـى
لامات ابـوك الـذي بمحبتـه يفـرق تشوف حتى السماء سوداء وهي زرقاء
الليله الدمع لحـروف الحبـر يسبـق واوراقنا من دمـوع عيوننـا غرقـى
سحاب حزنٍ مزونـه للصـدر تحـرق يامـره المـزن والرعـاد والبـرقـا
ياثوبي اغرق بدمعٍ من غـلاه اغـرق راح الذي من خلقه الله وهـو يرقـى
راح اللي عداه من قولت فهد تشـرق محرق قلوب الأعـادي كلهـا حرقـى
له صـورةٍ بالبيـاض تـزود ماتعبـق حتى وهو فالقبـر فـي هيبتـه فرقـا
رما عنان الفرس والسيـف والبنـدق وودع عروس الديار الشيخه الطرقـى
الي ربت بيـن كفينـه وهـو يفتـق صدر الدجا لين شاف شموسها شرقى
والله هو اللي يميـت ويحـي ويخلـق والعين تدمع نهـار المـوت والفرقـى